Dictes moy où, n'en quel pays, Est Flora, la belle Romaine; Archipiada, ne Thaïs, Qui fut sa cousine germaine; Echo, parlant quand bruyt on maine Dessus rivière ou sus estan, Qui beaulté ot trop plus qu'humaine? Mais où sont les neiges d'antan! Où est la très sage Helloïs, Pour qui fut chastré et puis moyne Pierre Esbaillart à Saint-Denis? Pour son amour ot cest essoyne. Semblablement, où est la royne Qui commanda que Buridan Fust gecté en ung sac en Saine? Mais où sont les neiges d'antan! La royne Blanche comme lis, Qui chantoit à voix de seraine; Berte au grant pié, Bietris, Allis; Haremburgis qui tint le Maine, Et Jehanne, la bonne Lorraine, Qu'Englois brulerent à Rouan; Où sont elles, Vierge souvraine? Mais où sont les neiges d'antan! Prince, n'enquerez de sepmaine Où elles sont, ne de cest an, Qu'à ce reffrain ne vous remaine: Mais où sont les neiges d'antan

Explore outros autores

Kankyo Tannier Ali Wong Georges St. Pierre Becky Albertalli Jules Ormont A. Loos James Russell Lowell Joãozinho Trinta Council on ideas Cidade dos Anjos Alckmar Luiz dos Santos Cowboy Bebop (série) B.K.S. Iyengar Jim Butcher Felipe Flip Bella Mackie Clark (série) Autor desconhecido Jean Guéhenno JayA Luuck James Preston Julia Domenico Starnone E. M. Forster Nilza Rodrigues Alexa Donne KayBlack Lawrence Durrell Estée Lauder Amanda Kviatkovski